Athyglisverð frétt og boðskapur

Ekki er hægt annað en vera sammála Trichet um nauðsyn þess að ríki og þjóðir dragi úr skuldum og temji sér að lifa af nútímatekjum, en ekki fyrir lánsfé.

Það vekur mér hins vegar nokkra undrun að seðlabankastjóri Evrópu hafi ekki tekið eftir því að á undanförnum árum hefur umtalsverður hagvöxtur Evrópulanda (líkt og margra annarra) verið drifin áfram af erlendu lánsfé, fram og til baka milli landa.

Í ljósi þessa er fyrirfram vonlaus sú von Trichet um að minnkandi skuldir þjóða komi ekki niður á hagvexti. Það á einnig að vera ljóst, öllum sem af einlægni og alvöru horfast í augu við afleiðingar vitleysisgangs í fjármálastjórnun undanfarinna tveggja áratuga, að veruleg niðursveifla hagvaxtar sé óhjákvæmileg þegar dregur úr flæði lánsfjár.

Ástæður þess eru að flestar þjóðir hafa beint meginorku sinni að því að ná til sín peningum (lánsfé) frá öðrum, með fjölbreytilegum lánum. Þær hafa hins vegar næsta lítið hirt um að efla verðmætasköpun (sjálfbæran hagvöxt) eigin lands, þar sem hægt var að auka veltu (og þar með gerfihagvöxt) með þessum erlendu lánum. Nú er staðan orðin sú að það lausafé sem fjárglæframenn hafa ekki dregið til sín og falið í skattaskjólum, er að mestu fast í dauðum fjárfestingum, sem ekkert nýtast og eru óseljanlegar.                

Ríki verða að draga úr skuldum

Athugasemdir

[Magnús Orri Einarsson (IP-tala skráð) 29.8.2010 kl. 19:07]

Eða með öðrum orðum: það er komið dálítið fram yfir þau mörk sem sjálfbær lífsgæði geta veitt okkur... Kakan getur nefnilega ekki bara stækkað endalaust.