Andið rólega. Við förum ekkert í ESB.

Þó búið sé að senda umsókn um aðild að ESB, er engin ástæða fyrir fólk að óttast aðild. Það mun enginn samningur koma út úr þessari umsókn, því upp úr miðju næsta ári mun ESB eiga nóg með sín eigin vandræði og ekki hafa getu til frekari stækkunar.

Ég hef lengi haft þá sýn á ESB, að það muni líða undir lok á árinu 2011. Og enn sé ég engin merki um að slíkt muni ekki gerast. Ef fólk íhugar vel það sem forystumenn ESB segja, má glögglega greina þar ótta þeirra við að endalokin séu á næsta leiti.

Upp úr miðju næsta ári munum við fara að fá tíðar fréttir af erfiðleikum ESB, bæði pólitískri sundrungu en einnig miklum fjárhagserfiðleikum. Styrkir munu verða verulega skertir, ásamt því að framlög til aðildarríkja munu verulega dragast saman. Nýjar lánveitingar verða nánast úr sögunni, því tekjur Seðlabanka ESB munu verulega dragast saman og engar þjóðir verða tilbúnar til að leggja fram meira fjármagn eða tryggingar, til prentunar meira magns af Evrum.

Myndin af hruni ESB er að sjálfsögðu stærri og flóknari en þetta, en það sem hér hefur verið sagt eru áhrifamestu þættirnir í ótvíræðum endalokum ESB, sem væntanlega verður formlega aflagt á seinni hluta ársins 2011.

Leggjum ESB glímuna til hliðar, að sinni, en einbeitum okkur að því að hrinda Icesave-samningnum af höndum okkar, svo bakslag okkar þurfi ekki að verða meira en þau 40 ár sem eru nú augljós.             

Andsnúnir inngöngu Íslands

Athugasemdir

[Páll A. Þorgeirsson (IP-tala skráð) 18.7.2009 kl. 11:39]

Jæja, þá veit ég allt um framtíð ESB og öll taugaveiklun frá mér tekin. 

[Júlíus Björnsson, 20.7.2009 kl. 18:44]

Það er meir en tíu ár síðan EU og Kína voru í bullandi samkeppni um besta Markaðinn USA, áhersla á fullvinnslu og tæknivara. EU og Kína voru svo í viðskiptum þar sem EU mun sárlega skorta ýmis efnasambönd sem Kína á nóg. Þetta gekk ekki upp því að Kína seldi svo mikið af fullvinnslu. USA fjárfestar fara stigvaxandi að beinafjárfestingum sínum til Asíu  og Kína. EU meira og meira óvinsæl munur og á inn og útflutningi minni og minni. Kína er búin að taka sess EU gagnvart USA.   EU byggir á innri samkeppnisamningum um áherslu á fullvinnslu og hátækni. Meðallaunakostnaður, hráefnis og orku skortur er helstu veikleikar EU heimamarkaðar. Þess vegna er ekki gott að vera skuldbundin EU í framtíðinni. Lög EU banna henni að halda upp lífskjörum í einu meðlima ríki á kostnað hinna. Hinsvegar á stjórnsýslukostnaður að vera hlutfallslega jafn annars er hætt á þvingunum og útskúfum þess meðlimaríkis sem uppfyllir ekki skuldbindingarnar. Miðstýringin getur svo beit lögum um aðstoðarhjálp þar sem forgangröðunin er lægstu vergu þjóðatekjurnar. EU fær nú þegar mest allt af hráefnisútflutningum á lægstu verðum. Íslendingar hafa engan hagnað af innflutningi frá EU.