Stjórnvöld geta ekki rift samningum skuldabréfa

Andrés minn.  Þú verður nú, starfs þíns vegna, að gæta tungu þinnar og skrifa. Allar skuldir sem áttu að hafa gengisviðmið, eru að öllu öðru leyti með lögbundna samninga um gjalddaga, lánstíma og vexti. Eini ólögmæti liður þeirra lánasamninga var gengisviðmiðunin. Ekkert annað er ólögmætt í þeim lánasamninum.

Líklega eru flest skuldbréfin með ákvæðum um líbor-vexti, með ákveðnu tilteknu álagi á þá vexti. Þeim skilmálum skuldabréfanna er EKKI hægt að breyta, nema með dómsúrskurði.  Ákvörðun stjórnvalda hefur ekkert að segja varðandi þau lán sem heyra undir þær dómsniðurstöður sem Hæstiréttur var að fjalla um.  Stjórnvöld geta ekkert breytt þeim lánasamningum sem þar um ræðir og hafa engar heimildir til að ákvarða neitt um þá lánasamninga sem þarna um ræðir.

Ég er ekkert í vafa um að hætti stjórnvöld sér út í einhver afskipti af þessum málum, sem teljast mundu óhagstæð fyrir skuldara, yrði alvarleg uppreisn hér, sem allt eins gæti haft  alvarlegar afleiðingar.

Þessum málum verða stjórnvöld að halda sig frá, eigi lýðræðið ekki að bíða skaða af.           

Sleppa ekki frá skuldunum

Athugasemdir

[Þóra Guðmundsdóttir, 17.6.2010 kl. 17:42]

Afskipti stjórnvalda í þessum málum gegn lántökum væri hrein og klár stríðsyfirlýsing, þau leggja ekki út í það.

[Steinar Immanúel Sörensson, 17.6.2010 kl. 17:57]

tek heilshugar undir með ykkur hér, ef stjórnvöld stæðu hér með lögbrjótum er eitthvað alvarlegt að sem kallar á tafarlausa uppreisn

[Árni Gunnarsson, 17.6.2010 kl. 18:07]

Eg ætla að taka mark á þér Guðbjörn og sé ekki heldur hvernig stjórnvöld gætu leyft sér að fikta í lánasamningum sem þau létu óátalin þar til dómur Hæstaréttar féll. Það verður að gera þá kröfu til- jafnvel þessarar - ríkisstjórnar að hún hlaupi ekki á sig í jafn mikilvægu, lögfræðilegu álitaefni.

[Elle_, 17.6.2010 kl. 18:11]

Núverandi stjórn hefur staðið með glæpabönkunum og fjármálafyrirtækjunum og gegn almenningi og skuldurum.  Það væri ekkert nýtt.  Hinsvegar vona ég að skuldarar sæki frekar hjálpar lögmanns en að líða það að vera enn sviknir með ránlánum.  Dómarar Hæstaréttar dæmdu ekki í hag banka og fjármálafyrirtækja og það má ekki líðast að þeir komist enn upp með rán.