Af hverju skammið þið ríkistjórnina??

Af hverju í ósköpunum eruð þið að skamma ríkisstjórnina.

Ekki var hún að loka fyrir að erlendir fjármagnseigendur vilji lána bönkunum okkar peninga.

Ekki sagði ríkisstjórnin bönkunum að láta öll þessi erlendu lán í fjárfestingar og rekstur sem fyrirfram var vitað að ekki gæti skapað sér sjálfstætt líf og gæti einungis gengið meðan hægt væri að auka skuldir.

Ekki bannaði ríkisstjórnin bönkunum að lána þessar erlendu lántökur sínar til uppbyggingar á atvinnuvegum sem skapa myndur gjaldeyri til að endurgreiða lánin OG ÞANNIG AUKA VARANLEGA VELSÆLD Í ÞJÓÐFÉLAGINU.

Hvað er að í kollinum á ykkur?  Því ráðist þið ekki með þessu afli að stjórnum og eigendum bankanna og krefjið þá um að losa sig við þessa óhæfu stjórnendur þeirra.

Skiljið þið ekki að erlendar lánastofnanir eru fyrst og fremst að lýsa yfir vantrausti á stjórnendur bankanna, sem þegar hafa sýnt að þeir lánuðu megnið af þessum þúsundum milljarða erlendrar lántöku, til fjárfestinga og starfsemi sem fyrirfram var vitað að gæti ekki endurgreitt lánin.

Nú þurfum við að borga, OG ÞAÐ ER EKKI RÍKISSTJÓRNINNI AÐ KENNA.                

Fylgi við ríkisstjórn minnkar

Athugasemdir

[Jon Mag (IP-tala skráð) 2.8.2008 kl. 21:52]

Rétt hjá þér Guðbjörn,það er furðulegt að bankarnir sigli lygnan sjó lausir við að þurfa að svara fyrir gjörðir sýnar síðustu árin.Enn kannski ekki svo furðulegt þegar litið er á hver á fjölmiðlana.

[Árni Gunnarsson, 2.8.2008 kl. 22:32]

Jon Mag. Ef þjóðin sér raunveruleika þessa máls gegnum fjölmiðla þá er ekki von á málefnalegri umfjöllun en raun ber vitni. Og þá fer að verða skiljanlegri sú leið til lausnar á vandamálinu að ríkissjóður taki 500(plús) milljarða lán til að endurlána þeim sömu stjórnendum bankanna sem bera alla ábyrgð á klúðrinu.