Er Sjálfstæðisflokkurinn trúarbrögð, en ekki stjórnmálahreyfing ???

Þetta er afar athyglisverð niðurstaða. Annað hvort eru tæp 30% þjóðarinnar sem er alveg sama hvernig farið er með hagsmuni þjóðfélagsins, eða að Sjálfstæðisflokkurinn er trúarbrögð, sem eru að öllu leiti óháð athöfnum á stjórnamálasviði.

Yfirgnæfandi meirihluti kapítalískra hugsuða í hinum siðvædda heimshluta, hafa látið í ljós fullkomna vantrú á þeirri hugmyndafræði sem hefur verið meginstofn stjórnmálastefnu Sjálfstæðisflokksins undanfarna tvo áratugi. Þrátt fyrir þessa staðreynd, til viðbótar við gjöreyðileggingu á uppbyggingu síðustu kynslóða í íslensku viðskipta- og athafnalífi, virðist þriðjungur þjóðarinnar enn tilbúinn til að hjálpa Sjálfstæðismönnum að eyðileggja meira.

Það eru miklar líkur á að svona skoðanakönnun veki umtalsverða athygli, því hún er afar glöggt vitni um hörmulega siðferðisvitund; að þriðjungi þjóðarinnar sé sama um þær hörmungar sem yfir þjóðina hafa verið leiddar.

Miðað við það sem fram er komið, hefði verið eðlilegt að Sjálfstæðisflokkurinn fengi svoa 5% í þessari könnun, en ynni sig á næstu tveimur árum upp í svona 15%, stæðu þeir sig vel í endurbyggingu lífsgæða þjóðarinnar.                 

Minnihluti styður stjórnina

Athugasemdir

[Hólmdís Hjartardóttir, 26.10.2008 kl. 14:15]

Sjálfstðisflokkurinn virðist vera trúarhreyfing  satt er það

[Æsir (IP-tala skráð) 26.10.2008 kl. 14:17]

Sjálfstæðismenn eru Heiladauðir Kjósendur

[Árni Gunnarsson, 26.10.2008 kl. 17:54]

Óákveðnir voru óvenju margir og staðan er því mjög óljós. Hægri menn eiga fáa valkosti því þeim hugnast ekki að flykkja sér um forystulausan Frjálslynda flokkinn. Mín tilfinning er sú að það séu helst gamlir Sjálfstæðismenn sem endanlega hafi gefist upp á flokknum. Útrásarelítan og aðrir þeir sem hafa keypt þingmennina sitja óhaggaðir en særðir. Ungt lærdómsfólk með frjálshyggjuinnrætingu úr Háskólum er heilaþvegið og safnast saman í hópa og "vitnar" um að sósíaliskar flumbruaðgerðir í BNA hafi komið óorði á frjálshyggjuna á örlagastund.

Athygliverð var ályktun Jóhannesar Björns Lúðvíkssonar í Sifrinu í dag, að frjálshyggjan væri ekki stjórnmálaafl heldur trúarskoðun. Þá skoðun hef ég óhikað látið þráfaldlega í ljós mörg undngengin ár enda á það að vera augljóst öllu andlega heilbrigðu fólki.

En umræddur maður sagði margt fleira sem kom mér til að sperra eyrun. Eins og það að greiningardeildir bankanna væru öflugustu auglýsingastofur samfélagsins.

B.kv.