Þekkir stjórn lífeyrisjóðs Vestfjarða ekki eðlilegar samskiptareglur?

Í fréttinni er sagt að sautján sjóðsfélagar LV sent stjórn sjóðsins skriflegt erindi, með nokkrum spurningum. Með réttu á sjóðnum ekki að vera heimilt að víkja sér undan skriflegu svari, því skriflegt fyrirspurn KREFST skriflegs svars.

Það er ekki nóg að vísa til hugsanlegra upplýsinga á aðalfundi, sem svarað verður með munnlegri framsetningu. Slíkt svar GETUR ALDREI verið svar við skriflegu erindi. Það ætti alla vega lögfræðingur sjóðsins að vita, þó stjórnin reyni að skjóta sér undan skyldum sínum.

Ég er sjálfur sjóðfélagi í þessum sjóði og skora á sautjánmenningana að KREFJAST SKRIFLEGS SVARS. Ef stjórnin hafnar slíku, senda þá viðkomandi ráðuneyti afrit af erindinu og höfnun stjórnar, og krefjast þess að ráðuneytið skipi stjórninni að svara svo sem lög og siðareglur bjóða.  Dugi það ekki, sendið þá allt málið til Umboðsmanns Alþingis, með ósk um aðstoð hans.

Svona mál varðar ekki bara þennan lífeyrissjóð, því álíka vitleysisgangur og reyfaður er í erindi sautjánmenninganna hjá LV, er líklega til staðar í flestum lífeyrissjóðum. Þess vegna þarf að hreinsa til í stjórnum og rekstri þessara sjóða.                  

Krefja lífeyrissjóð svara vegna taps

Athugasemdir

[Jakob Þór Haraldsson, 21.5.2009 kl. 11:31]

Hjartanlega sammál þér & öðrum sem eru að gagnrýna þessa lífeyrissjóði.  Þetta endar með því að við verðum að Alþingi til að samþykkja að stofnaður verði lífeyrissjóður "Fólksins" - sjóður við sjálf myndum stýra...  Lokaorð þín: "Svona mál varðar ekki bara þennan lífeyrissjóð, því álíka vitleysisgangur og reyfaður er í erindi sautjánmenninganna hjá LV, er líklega til staðar í flestum lífeyrissjóðum. Þess vegna þarf að hreinsa til í stjórnum og rekstri þessara sjóða." segja allt sem segja þarf...!

kv. Heilbrigð skynsemi

[Bara ég (IP-tala skráð) 21.5.2009 kl. 15:49]

Ég vil fá að mæla með Söfnunarsjóði Lífeyrisréttinda fyrir þá sem eru ósáttir við sinn lífeyrissjóð. Ég er þar sjálfur og þar stendur allt eins og stafur á bók. Fjárfestingastefnan er svona "óspennandi" ríkisskuldabréfastefna sem leggur fyrst og fremst áherslu á að tryggja höfuðstólinn.