Hvernig getur 4ra ára valdatími réttlætt 30 ára fjárskuldbindingu ????

Ég hef oft vakið athygli á því sérkennilega ástandi þegar stjórnendur sem kjörnir eða ráðnir eru til 4ra ára, binda hendur þeirra sem á eftir koma, t. d. með skuldbindingum um fjárútlát til margra ára, eftir að kjörtímabili þeirra lýkur.

Þetta á t. d. við um svokallaðan samning ríkisstjórnar um fjármögnun tónlistarhússins. Það er sagt að menntamálaráðherra hafi skuldbundið ríkissjóð til mörg hundruð milljóna króna útgjalda á ári, í 30 ár. Sá ráðherra sem þessa skuldbindingu gerði er ekki lengur við völd. Spurningin er því hver ber ábyrgð á svona samningum?

Í 40. grein stjórnarskrár kemur alveg skýrt fram að: - .. Ekki má heldur taka lán, er skuldbindi ríkið,.... nema samkvæmt lagaheimild.

Í 41. greins stjórnarskrár segir einnig að: - Ekkert gjald má greiða af hendi, nema heimild sé til þess í fjárlögum eða fjáraukalögum.

Þrátt fyrir þetta skýra ákvæði í stjórnarskrá, að ekki megi skuldbinda ríkissjóð nema með lagaheimild, eru ráðherrar sífellt að með meintar skuldbingar á ríkið, án þess að slíkt sé rætt eða samþykkt á Alþingi.

Eru þetta löggildar skuldbindingar ???????      

Einnig eru ráðherrar sífellt að greiða út umtalsverðar fjárhæðir sem ekki eru neinar fjárheimildir fyrir, eins og margar fréttir eru um í fjölmiðlum.

Hvernig væri að gera skýra kröfu um að ráðherrar og aðrir opinberir stjórnendur ríkis og sveitarfélaga láti af valdhrokanum og fari að virða stjórnarskrá og önnur stjórnunarlög?

EÐA - eigum við bara að halda ruglinu áfram svo hrunið verði endanlegt gjaldþrot þjóðarinnar?                            

50 milljarða skuldbindingar vegna leigu

Athugasemdir

[Jón Óskarsson (IP-tala skráð) 31.5.2009 kl. 21:39]

Það var löngu búið að skuldbinda ríkis- og borgarsjóð áður en þess ríkisstjórn tók við.  

Spurningin snerist um að klára verkið eða láta það sem búið var af því eyðileggjast.

Sem betur fer var valin sú leið að ljúka verkinu.

[Guðbjörn Jónsson, 31.5.2009 kl. 22:16]

Sæll Jón!  Þakka þér innlitið og athugasemdina.  Það er nú dálítil spurning HVORT BÚIÐ VAR AÐ SKULDBINDA RÍKIÐ.  Ákvörðun um byggingu tónlistarhússins hefur ALDREI VERIÐ SAMÞYKKT Á ALÞINGI. Ákvörðun um stofnun hlutafélagsins Austurhafnar TR hefur ALDREI VERIÐ SAMÞYKKT Á ALÞINGI.  Samningurinn sem Þorgerður Katrín, þáverandi menntamálaráðherra gerði (án heimildar) um fjármögnun tónlistarhússins, HEFUR ALDREI VERIÐ LAGÐUR FYRIR ALÞINGI. Samningurinn sem Katrín Jakobsdóttir, núverandi menntamálaráðherra gerði um yfirtöku byggingarinnar og 13 milljarða viðbótarfjármögnun (einnig án heimildar), HEFUR ALDREI VERIÐ LAGÐUR FYRIR ALÞINGI.

Sé þetta allt borið saman við þau ákvæði stjórnarskrár sem ég vísa til í pistlinum, finnst mér fullkomið spursmál hvort ríkissjóður okkar sé á nokkurn hátt skuldbundinn þessari byggingu.

Þú ert kannski tilbúinn að þræla út í hið óendanlega fyrir fjárfestingarfylliríi jarðsambandslausra ráðherra og annarra ráðamana? 

[Hörður Valdimarsson, 1.6.2009 kl. 06:30]

Það þarf nú ekkert tónlistarhús til. Seinasta gjörð Steingríms J vegna VBS banka og Saga Capital eru skýr dæmi þar um. Hann láðnaði hann þessum félögum 40 milljarða á 2 prósent vöxtum. Verð að virðurkenna að mér finnst þetta grátlegt óréttlæti. Félögin færðu að sjálfsögðu mismunin á eðlilegum vöxtum og þessum 2 prósent sem tekjur. Af hverju voru ekki tekin hlutabréf í þessum félögum. Það á að skjóta peningum inn í sparisjoðina en þar tekur ríkið við hlutabréfurm í staðinn.

[Guðbjörn Jónsson, 1.6.2009 kl. 09:34]

Sæll Hörður. Takk fyrir innlitið og athugasemdina.  Það er alveg rétt, sem þú nefnir þarna í sambandi við Steingrím J.  Hafi Alþingi ekki verið búið að samþykkja umrædda lánveitingu er hún ólögleg, eins og greinilega kemur fram í þeim greinum stjórnarskrár sem ég get um í pistlinum.

Það er AFAR mikilvægt að sem flestir haldi vöku sinni við að gagnrýna ólöglegar athafnir ráðherra og annarra ráðamanna, því á þessum síðasta spillingaráratug hafa ráðamenn tamið sér að fara æði langt út fyrir lagaheimildir.

Þessum þáttum þurfum við endilega að breyta sem fyrst og af álíka fylgni og var í búsáhaldabyltingunni.