Stórundarleg fréttamennska

Í þessari frétt er sagt frá því að á aðfangadag jóla, hafi barn dottið niður stiga, milli hæða, og fengið slæmt höfuðhögg. Greint er frá því að lögergla og sjúkralið hafi þurft aðstoð Vegagerðar til að komast á staðinn og barnið hafi verið komið á sjúkrahús á tíunda tímanum um kvöldið. Fjórum til fimm tímum eftir að slysið varð.

Þarna er sagt frá atburði sem gerðist fyrir 5 dögum, en þess í engu getið hvaða afleiðingar þetta hafði fyrir barnið.  Var barnið kannski algjört aukaatriði í fréttinni?  Var aðalfréttin um að ófært hafi verið milli Bíldudals og Patreksfjarðar?

Mér finnst það lágmarks kurteisi, bæði gagnvart fjölskyldu barnsins, sem og lesendum fréttarinnar, að greint sé frá hverjar afleiðingar slyssins urðu fyrir barnið.

Allt annað er hreinn dónaskapur.                 

Barn datt á milli hæða

Athugasemdir

[Ingibjörg Friðriksdóttir, 29.12.2009 kl. 17:04]

100% sammála

Hvert er aðalatriðið? 

Fyrir mér er það barnið og ég vona til Guðs að það sé hólpið, allt annað er aukaatriði.

[Viktor (IP-tala skráð) 29.12.2009 kl. 19:41]

Fólk lætur eins og fréttin sé að fara að bjarga barninu ef þetta kemur fram :o

Hættið þessum barnaskap.