Allt þetta skal ég gefa þér.....

Laugardaginn, eftir föstudaginn langa, lögðu kaupmenn lúmska gildru fyrir viðskiptavini sína. Þar buðu þeir gull og græna skóga ef múgurinn vildi gera aðför að stjórnmálmönnum okkar og pressa þá til að beina viðskiptum þjóðarinnar frá innlendum aðilum en kaupa þess í stað innfluttar vöru, sem kaupmenn fengju umboðslaun fyrir að flyja inn. Loforðið var mikil lækkun á verði þeirra vöruflokka.

Þetta er undarleg aðför að sjálfstæðisþætti þjóðarinnar, einmitt núna þegar framundan eru (á næstu árum) hærri greiðslur af erlendum lánum þjóðarinnar en auðveldlega verði séð að við getum greitt.  Ef eitthvað er mikilvægt fyrir þjóðina á þessum tímapunkti, er það eins mikill gjaldeyrissparnaður og mögulegt er, svo sem minnst þurfi að taka af nýjum lánum til greiðslu afborgana af þeim eldri.

Fleiri hliðar eru einnig á þessu frekar ósvífna gilliboði kaupmanna. Skömmu eftir lýðveldisstofnun fóru Sjálfstæðismenn mikinn um öll hérð landsins og æstu fólk upp í að krefjast meiri innflutnings en gjaldeyristekjur voru til fyrir. Þeir nefndu ekki einu orði að þjóðin ætti ekki fyrir þessum aukna innflutningi en sögðu þjóðina vera svo lengi búna að lifa við skort að nú væri kominn tími til að veita sér betri lífsgæði. Sagt var að það væru ólíðandi HÖFT í vöruvali að fá ekki að kaupa þær vörur sem fólk langaði í. Ekki var minnst á það einu orði að þessi sömu HÖFT voru á flestum heimilum landsins, því heimilistekjur dugðu rétt fyrir brínustu nauðþurftum. Fólkið beit samt á agnið og síðan höfum við ekki átt sjálf neinn gjaldeyrisforða, heldur verið með hann að láni frá erlendri lánastofnun.

Ekki er ætlunin hér að rekja alla þá vitleysu sem Sjálfstæðisflokkurinn hefur leitt yfir þjóð okkar, það kemur fram á öðrum stað og öðrum tíma. Hins vegar sver aðferðafræði kaupmanna nú, sig afar sterkt til fyrri hugmynda Flokksins, líkt og vænta mátti úr þessari átt.  Það einkennir einnig þessa aðferðafræði að hvorki er gerð grein fyrir hvernig á að afla gjaldeyris til að flytja inn allar þessar vörur, sem við annars framleiðum, eða hvernig ríkissjóður á að afla þeirra tekna sem þeir gera tillögu um að feldar verði niður.

Það sorglega við þessa tillögu kaupmanna, um innflutning á matvöru, sem við getum framleitt sjálf, er að annað hvort hafa þeir ekki þekkingu til að ráðast að vitleysum í ríkiskerfinu hjá okkur, eða þeir hafa ekki kjark til að gera slíkt, vegna þess hve miklu þeir mæta af vitlausum kröfum og aðgerðum Sjálfstæðisflokksins við slíka skoðun.

Ég er ekki að segja þetta vegna þess að mér sé eitthvað verr við  Sjálfstæðisflokkinn en aðra flokka. Allir þessir gömlu flokkar eru svo spilltir og hafa svo mikið af alvarlegum vitleysum í fortíðinni. Ekki er þó vert að horfa frmahjá því að algjör endurnýjun Framsóknar á fólki í forystuliði sínu gefur ákveðnar vísbendingar um breytingu, en sú vísbending er enn frekar óljós.  

„Það varð allt vitlaust“

Alþingismenn kærðir fyrir umboðslausa ákvörðun

 Eins og meðfylgjanbdi kærubréf ber með sér, fóru þingmenn gróflega út fyrir heimildir sínar í gær, þegar þeir samþykktu þingsályktun um aukin ríkisútgjöld á árunum 2014 - 2016. Sem frambjóðandi til næsta þings kærði ég þetta sem ólöglega íhlutun um starfsemi næsta þings og ríkisstjórnar.      

Skrár tengdar þessari bloggfærslu:

• r-sak_kaera.pdf

Hafa stjórnmálaflokkar Kjörgengi?

Hægt en markvisst nálgast sá tími þegar lokast fyrir framboð til næsti Alþingiskosninga.  Ég hef svolítið velt því fyrir mér hvort það geti verið að ég verði einn af fáum löglegum frambjóðendum fyrir þessar þingkosningar?  Vegna þessara vangaveltna skoðaði ég hvað stjórnarskráin segir um kjörgengi og skýri það á meðfylgjandi myndbandi.

http://www.youtube.com/watch?v=7mqJejfr-ik&feature=youtu.be

Form fyrir framboð utan flokka

  Meðfylgjandi skjal er form fyrir framboð einstaklings utan flokka

Skrár tengdar þessari bloggfærslu:

• yfirlyst-frambo_0.pdf

Framboð tilkynnt til Landskjörstjórnar

   Nú er alvara málsins komin í gang og ekki aftur snúið.

Skrár tengdar þessari bloggfærslu:

• frambo_2013.pdf

Upphaf verðtryggingar

 Ég bið fólk um, sem les meðfylgjandi grein, að muna að það er einn af öflugustu mönnum peningastjónunar í Evrópu sem flytur þessa ræðu á ársfundi norræna Seðlabanka árið 1957. Honum finnst því sjálfsagt að fjármagnseigendur njóti sérstöðu umfram aðra. En lesið þessa grein svo mun ég skrifa glósur um hana eftir nokkra daga, þegar þið eruð búin að melta þetta svolítið.

Skrár tengdar þessari bloggfærslu:

• upphaf_ver_tryggingar.pdf