Eignarhaldið ekki rétt.

Samkvæmt skráningu hjá Fyrirtækjaskrá, er Austurhöfn-TR ekki í eigu ríkissins eða Reykjavíkurborgar. Ég fékk afrit af öllum skráningargögnum yfir þetta fyrirtæki og þar er hvergi að finna staðfestingu Alþingis fyrir stofnun eða eignarhlut í Austurhöfn-TR.

Við ítrekaðar athuganir á þingskjölum, verður ekki séð að málið hafi verið lagt fyrir þingið. Meðan svo er verður ekki með neinum hætti hægt að krefjast þess að ríkissjóður beri einhverja ábyrð á starfsemi Austurhafnar-TR.

Ég hef ekki skoðað gögn Reykjavíkurborgar og get því ekki fullyrt hvort þar hafi verið samþykkt í borgarstjórn að gerast eignaraðili að því marki sem fram kemur í fréttinni. Reykjavíkurborg er hins vegar ekki skráður eigandi hjá Fyrirtækjaskrá, eins og sú skráning var fyrir ári síðan.    

Harpa endurfjármögnuð

Athugasemdir

[Guðmundur Ásgeirsson, 7.11.2011 kl. 09:00]

Hver er þá skráður eigandi?

[Guðbjörn Jónsson, 7.11.2011 kl. 09:32]

Félagið Austurhöfn-TR er stofnað 10. apríl 2003 Stofnfundinn sóttu: Hafsteinn S. Hafsteinsson, Ólafur Hilmar Sverrisson, Guðmundur Árnason, Helga Jónsdóttir, Ólfur B. Thors, og Svanhildur Konnráðsdóttir.

Þau Hafsteinn Ólafur Hilmar og Guðmundur voru sagðir mættir þarna sem fulltrúar ríkisins, en fyrir því eru engar heimildir skráðar og ekki finnanlegarí gögnum Alþingis.

Síðustu heimildir um stjórn félagsins, sem ég hef undir höndum, er frá árinu 2009, en þá voru 13 manns skrað í stjórn. Enginn þeirra með umboð f. h. ríkissins og enginn skráður með umboð frá Reykjavíkurborg.

Takk fyrir innlitið og fyrirspurnina.