Undarleg ályktun

Ályktun Ólafs Darra um að   "hömlur á innfluttum landbúnaðarvörum sé megin ástæðan fyrir háu matvælaverði hér á landi" er afar einkennileg. Flestir sem fylgst hafa með neyslumynstri íslendinga undanfarin ár, vita að landbúnaðarvörur eru einungis um eða innan við 20% heildar matarinnkaupanna. Af þeirri ástæðu einni er alveg útilokað að hömlur á influtningi þeirra vöruteguna, geti verið ein helsta ástæða fyrir háu verði á mötvöru hér á landi.

Meginástæður fyrir háu matarverði hér tel ég aðallega vera tvær. 

Annars vegar gífurleg offjárfesting í verslunarhúsnæði; líklega nálægt fimmfalt meira en viðmiðunarlöndin hafa, sé það skoðað út frá fólksfjölda. Magn viðskiptanna fer jú fyrst og fermst eftir fjölda fólksins sem þarf að borða.

Hin ástæðan er alvarleg óstjórn á rekstri þjóðfélagsins, sem orsakað hefur á tæpum 30 árum umtalsvert meiri verðbólgu hér á landi en verið hefur í viðmiðunarlöndunum.

Það er mjög ámælivert þegar menn ganga fram í nafni hagfræði, með jafn óábyrga fullyrðingu og Ólafur Darri gerir í þessari frétt. Niðurstaða hans er fjarri raunveruleikanum og heldur engu vatni.               

SUS sammála ASÍ

Athugasemdir

[Jóhann Elíasson, 23.5.2008 kl. 16:34]

Alveg er ég þér sammála en ég tel einnig að hinir svokölluðu "verndartollar" hafi valdið því þeir sem "framleiða" landbúnaðarvörur, þá á ég einnig við hina svokölluðu milliliði, hafi sofnað á verðinum og gæti ekki ýtrustu hagkvæmni við framleiðsluna.

[Magnús Jónsson, 23.5.2008 kl. 23:09]

Guðbjörn: ekki gleyma hlutdeild ríkis og sveitfélaga, né þeirri einföldu staðreynd að við erum eyja á miðju úthafi, sveitafélög gera verslun og iðnaði erfitt fyrir með fasteignagjöldum og ríkið með tryggingargjöldum, fjarlægðin frá mörkuðum og sú staðreynd að allt sem hingað kemur þarf að flytja með skipi eða flugvél, gerir óumflýjanlega að verðlag verður alltaf hærra hér en annarstaðar, á meðan við getum ekki verið okkur sjalfum næg hvað nauðþurftir snertir.

[Óskar Arnórsson, 24.5.2008 kl. 06:25]

Takk fyrir fróðlegan pistil að venju Guðbjörn! Man eftir því þegar ég var á fraktara hér á mínum yngri árum og við smygluðum íslensku lambakjöti til Íslands til að ná okkur í aukapening! Mér finnt það ekki í lagi. Eða þegar var siglt með næstum allan fist óunninn til Bretlands, Skotlands og mest til Þýskalands og svo var sami fiskur keyfptur í dósum til íslands. Það eru sömu vandamál á íslandi í dag bara í annari útgáfu finnst mér...