Er þetta sú virkni markaðarins sem frjálshyggumenn voru að boða ?????

Greinilega eru þeir sem reka olíufyrirtækin ekki tilbúnir til að viðrkenna virkni markaðsaflanna nema á annan veginn. Þeir eru fljótir að hækka verðin en slökkva svo á virkni markaðarins þegar verðin lækka.

Af þessu tilefni væri fróðlegt að fá viðskiptaráðherra til að upplýsa um hve mikið magn olíufélögin keyptu til landsins, af olíu og bensíni, á því tímabili sem verðin fóru hæst og hvert verðmæti þeirra innkaupa var. Og á hina hliðina, hvað mikið magn þeir seldu af olíu og bensíni á þessu tímabili og hvert verðmæti þeirrar sölu var.

Búum til gróft dæmi:

Ef keypt hefði verið 5.000 tonn af bensíni til landsins á heimsmarkaðsverðinu 100 dollarar fyrir tunnuna, hefðu þessi innkaup líklega kostað 2,5 milljónir dollara, eða sem svarar 0,5 dollurum hver lítri.

Ef heimsmarkaðsverð á bensíni hefði hækkað skömmu síðar í 150 dollara tunnan og í ljósi þess verið ákveðið að selja lítrann á 160 krónur, hefði helmingur Þeirrar upphæðar, 80 kr. pr. lítra, runnið til ríkisins en hitt til olífélagsins. Þrátt fyrir lækkun gengis hefði samt komið út úr sölu hvers lítra af hinum keyptu birgðum u. þ. b.  1 dollar, eða 100% verðmætisaukning til að vega upp á móti 50% markaðsverðshækkun.

Nú vill svo til að þegar aftur þarf að kaupa birgðir til landsins, hafði heimsmarkaðsverð á bensíni lækkað í 112 dollara fyrir tunnuna, eða 560 dollara fyrir tonnið, sem svarar til 0,56 dollarar hver lítri.

Þegar olíufélögin kaupa því aftur ný 5.000 tonn af bensíni, þurfa þau ekki að borga fyrir það nema 2,8 milljónir dollara, eða einungis 300 þúsund dollurum meira en þeir keyptu gömlu birgðirnar á, sem var 2.5 milljónir dollara.  Þessar birgðir höfðu þeir hins vegar selt þannig að þeirra hlutur úr söluverði var 5.000 dollarar, eða 100% meira en innkaupsverðið var.

Í ljósi þessarar einföldu línu finnst mér fróðlegt að opinberað væri hvernig verðþróun birgðahalds olíufélaganna hefur verið; segjum svona 5 síðastliðin ár.

Ég vil skora á viðskiptaráðherra að skoða nánar þennan þátt verðmyndunar á bensíni og olíu.                 

Olíuverð niður fyrir 112 dali tunnan

Athugasemdir

[Jóhann Elíasson, 20.8.2008 kl. 11:49]

Ég er búinn að blogga mikið um þetta ég hef alls ekki getað séð að lögmál framboðs og eftirspurnar gildi á þessum markaði að neinu leiti og svei mér þá ég get ekki séð að nein lögmál séu í gildi þarna nema lög olíufélaganna.  Viðskiptaráðherra hefur aðeins "tjáð" sig um þessi mál en virðist ekki hafa uppi neinar fyrirætlanir um að gera neitt, frekar en áður.  Miðað við hversu "VEL" eldsneytisverðið virðist fylgja heimsmarkaðsverðinu þegar það HÆKKARætti bensínlítrinn að vera í u.þ.b 126 krónum.  Ég er að fara keyrandi til Akureyrar á eftir en ég efast stórlega um að ég fái nokkurs staðar bensín á þessu verði.

[Guðbjörn Jónsson, 20.8.2008 kl. 14:01]

Takk fyrir þetta Jóhann. Ég er þér hjartanlega sammála.

[Kolbrún Hilmars, 20.8.2008 kl. 14:16]

Frábær pistill að vanda, Guðbjörn.  Ekki síst þetta:

"Hins vegar geta ranghugmyndir sem haldið er að þjóðinni, líkt og þegar henni var talin trú um að hér ríkti góðæri og við værum rík, skapað alvarlega vandamál"

Mér hefur einmitt oft blöskrað það, að þegar menn nefna hóf og fyrirhyggju í fjáraustri til allra mögulegra og ómögulegra málefna,  þá glymur alltaf athugasemdin;  við erum svo rík að við eigum að skammast okkar fyrir að spara framlögin. 

[Kolbrún Hilmars, 20.8.2008 kl. 14:22]

Guðbjörn, mér tókst einhvern veginn að skrifa athugasemd við skakkan pistil   Vona að þú takir viljann fyrir verkið...

[Guðbjörn Jónsson, 20.8.2008 kl. 17:16]

Kærar þakkir Kolbrún. Þetta flæktist ekkert fyrir mér.