Dylgjur að hætti götustráka ?????

Athyglisverð yfirlýsing frá leiðtogafundi Evrópusambandsins. Eins og oftast er með svona samkomur, þá er búið að fara yfr málin áður en ráðherrarnir setjast niður, kanna efnisþættina og stilla upp niðurstöðunni, miðað við fyrirliggjandi efnisþætti.

Í fréttinni er sagt að síðustu setningu yfirlýsingarinnar hafi verið bætt inn í uppkastið eftirá, sem þýðir að einhver leiðtoganna hefur ekki viljað samþykkja uppkastið eins og það var samið, miðað við þær efnislegu forsend ur sem fyrir lágu.

Líklega þvælist nú ekki fyrir Íslendingum að átta sig á hvaða leiðtogi, í þessum hópi, hafi ekki viljað samþykkja stuðningsyfirlýsingu við Ísland, án þess að hnýta í enda hennar órökstudda mannorðsskemmandi gróusögu.

Fróðlegt væri að fá staðfestingu frá framkvæmdastjóra ESB hvaða alþjóðlegar skuldbindingar íslensk stjórnvöld hyggist ekki uppfylla. Best væri ef einhver íslenskur fjölmiðill óskaði þessara upplýsigna og óskaði jafnframt eftir afriti af þeirri tilkynningu íslenskra stjórnvalda sem þessi umrædda síðasta setning yfirlýsingarinnar er byggð á. Varla setja leiðtogarnir svona alvarlega ásökun í ýfirlýsingu án þess að hafa haldbæra sönnun fyrir ásökun sinni.

Ég á svo sem ekki von á svari, en það staðfestir einfaldlega valdhroka fámenns hóps Evrópuleiðtoga, sem tilbúnir eru að troða á mannorði smáþjóðar, til að þurfa ekki að átelja klúbbfélaga fyrir níðingsverk.          

Ísland standi við alþjóðlegar skuldbindingar

Athugasemdir

[Jón Aðalsteinn Jónsson, 16.10.2008 kl. 21:32]

Sammála öllum síðustu greinum þinum við sem erum búin að tóra siðana um miðja síðustu öld munum þetta allt hvernig væri að við stofnuðum núna almennilegan þrýstihóp til þrýsta á svona mál. Nokkurskonar Sigtúnshóp

[Guðbjörn Jónsson, 16.10.2008 kl. 21:47]

Sæll Jón Aðalsteinn! og takk fyrir innlitið og ummælin. 

Mér litist vel á að stofna svona þrýstihóp eða samtök, en nú er ég orðinn svo lélegur til heilsunnar að ég get bara röflað svolítið við tölvuna, svona með hvíldum. En mikið væri það uppörvandi ef fólk gæti nú þjappað sér saman til hagsbóta fyrir fjöldann. Það væri hægt að ráðast gegn verðtryggingunni í leiðinni.

[Sigurður Þórðarson, 16.10.2008 kl. 22:33]

Þeir eru að þjóna hagsmunum  Breta. Mér finnst lítið leggjast fyrir Samfylkinguna að fagna svona lítillækkun. Það heitir að kyssa á vöndinn.

[Guðbjörn Jónsson, 17.10.2008 kl. 11:39]

Sæll Sigurður!  Takk fyrir innlitið. Ég er sammála þér. Í ljós er komið að uppkastið að yfirlýsingu var samið af forsætisráherrum Danmerkur og Svíþjóðar en Gordon Brown bætti við síðustu setningunni, til að lítillækka okkur. Að allir hinir skyldu samþykkja þessa aðdróttun að stjórnvöldum okkar, án trúverðugra heimilda, er eingöngu þjónkun við Breska hagsmuni.