Kastljósið í kvöld frábært og vel upplýsandi, en samt sorglegt

Ég efast um að fólk almennt átti sig á hve Kastljósið var í raun frábært í kvöld. Framsetning þeirra á símtali Árna Math. við Breska fjármálaráðherrann var einkar skýr. Sorglegt var að verða vitni að því hve Árni var gjörsamlega ómeðvitaður um alvarleika málsins, og virtist algjörlega ómeðvitaður um þá ábyrgð sem hann hafði sjálfur stefnt ríkissjóði í með því að láta þessa starfsemi Landsbankans í London verða svona umfangsmikla, undir beinni ábyrgð ríkissjóðs.

Klaufaleg tilsvör, ásamt engum vilja til að ávinna sér umburðarlindi eða velvilja Breska ráðherrans, voru svo yfirþyrmandi að engin leið er að áfellast Breska ráðherrann fyrir að reiðast heiftarlega.

Þá var viðtal Jóhönnu við þennan Íslenska fræðimann, sem kom á eftir símtalinu, einkar athyglisvert. Hrykaleg var ádeilan sem þar kom fram á hendur Fjármálaeftirlitinu, að það hafi heimilað Landsbankanum þessa innlánasöfnun í Bretlandi, vitandi um að ríkissjóður væri ábyrgur fyrir þessum innlánum, þar sem þeim var safnað af útibúi Íslensks banka, en ekki Bresks dótturfélgs.

Það er einnig sorglegt siðleysi að Fjármálaeftirlitið, undir forystu þess manns sem svo gjörsamlega brást þjóðinni í Landsbankamálinu í London, skuli svo vera, með neyðarlögum, settur yfir eignauppgjör allra bankanna.

Ég hefði haldið að ef einhver snefill af siðferðisvitund væri til í vitund Forstjóra Fjármálaeftirlitsins og hjá Fjármálaráðherra, ættu þeir báðir að segja af sér störfum sínum nú þegar. Að þessir menn skuli sitja áfram í stöðum sínum, er mikið meiri niðurlæging fyrir þjóðina en álitið sem Brown lét í ljós. Að þeir sitji áfram sýnir dómgreindarbrest og undirokun þjóðarinnar.                          

Viðræðum við Breta lokið í bili

Athugasemdir

[veggur (IP-tala skráð) 23.10.2008 kl. 21:35]

Ég er sammála að Kastljós þátturinn var mjög góður.  Ég er líka sammála um íslenska fræðimannin í London, hann er mjög skýr og væri góður liðsmaður í okkar hóp ( seðlabanki/ríkisstjórn ). Hinsvegar er ég ósammála varðandi frammistöðu hjá Árna Matt.  Hann tala eins skýrt eins og hægt var í þessari stöðu en samt að reyna að halda málinu opnu. Breski ráðherran taldi hinsvegar að Björgin hefði gefið sér rangar upplýsingar og þess vegna reiddist hann.

Árni var heiðarlegur, Björgvin var bjartsýnn( Óvarkár ) en margt getur breyst á 3-4 vikum. Breskir stjórnmálamenn NOTFÆRÐU sér stöðuna til þess að beina kastljósinu á okkar erfiðu stöðu og frá sínum eigin vandamálum.

[Eirikur , 24.10.2008 kl. 01:17]

MMmm ....At last... a bit of sense....... But look realy hard who is guilty.....They have yachts, private jets and football clubs...... Dont blame the Brits who paid for all these luxuries////Blame the fucking gangsters!!!!and if you call the average Brit bad names...Shame on you....they did nothing wrong but set their money in Icelandic banks......