Gjaldþrot meginþorra sjávarútvegsfyrirtækja hefur legið fyrir í mörg ár

Það hefur legið ljóst fyrir til margra ára að öll stærstu fyrirtæki sjávarútvegs á Íslandi eru löngu orðin gjaldþrota. Stjórnvöld, með Fiskistofu og sjávarútvegsráðuneyti í farabroddi hafa með beinum hætti tekið þátt í að FALSA eignastöðu útgerðarfyrirtækja, með þátttöku sinni í gengdarlausu ofmati á verðgildi aflaheimilda. 

Þetta ofamt hefur lánastofnunum líka verið ljóst, en samt lánað hundruði milljarða til þessarar vitlausu fjárfestinga, sem ekkert veð var til fyrir. Að síðustu hefur svo fjármálaráðuneytið og Ríkisskattstjóri verið beinir þátttakendur í þessu samráði um lögbrot og þjófnað á eignum þjóðfélagsins, með því að heimila útgerðarfyrirtækjum að eignfæra í bókhaldi sínu veiðiheimildir, sem ALDREI hafa verið eign útgerðarfyrirtækjanna, því slíkum heimildum er einungis úthlutað til eins árs í senn og þær notaðar á því ári, og því ekki eign.

Ég hef bent á það, í langt til tvo áratugi, að varanlegar aflaheimildir hafa aldrei verið til og aldrei hefur Alþingi heimilað neinar sölur aflaheimilda; einungis heimilað að aflaheimildir væru FLUTTAR milli skipa.

Það er undarlegt, þegar sömu atriði og búið er að margtyggja ofaní fjölmiðla og stjórnvöld, verða allt í einu að nýjum sannleika, þegar einhverjir sérstakir menn segja það, sem áður hefur verið marg sagt í meira en áratug.

Er þetta hið opna tjáningarfrelsi og að allir hafi jafnan rétt á að láta skoðanir sínar í ljós? Já, þetta er það. En það gleymdist bara að setja reglur sem bönnuðu þögggun fjölmiðla, sem nú um  tveggja áratuga skeið hefur verið sérstaklega mikil, á þann hluta þjóðarinnar sem á málefnalegan og rökstuddan hátt hefur gagnrýnt óvita- og vitleysisgang opinberra aðila.

Það hefði mátt spara þjóðinni miklar hörmungar mörg hundruð milljarða, ef fjölmiðlar hefðu ekki tekið þátt í spillingunni með þöggun á eðlilega og rökstudda gagnrýni.

Hér á landi hefur alltaf verið til fólk sem hefur viljað standa utan við drullupoll óheiðarleika og spillingar, og segja einfaldan sannleikann um þau óhæfuverk sem hér hafa verið unnin, en frá því hafa fjölmiðlar ekki viljað segja og stjórnmálaflokkar ítt þessu fólki til hliðar, sem óþægilegu.            

Sjávarútvegurinn í raun gjaldþrota

Athugasemdir

[Óskar Arnórsson, 7.12.2008 kl. 09:53]

Hafa allir embættismenn, skrifstofumenn, Ríkisstjórn, ráðherrar og þingmenn verið í læri hjá ENRON? Þetta er hroðaleg upptalning! Það var eins gott að þetta fólk búi ekki í Danmörku með svona hegðun. Situr einn dani í Californiu fyrir skid og ingenting.. Það er jú reyndar einn maður sem vann á skattstofunni sem gafst upp á spillingunni þar sem ég þekki vel og hann sagði að allt væri einmitt svona eins og þú lýsir. Og ekki bara í kvótasvindlinu...

Ég hlustaði á Hannes Hólmstein í sjónvarpi segja frá svona hagfræðilegri hundalógík, hvernig kvóti væri "atvinnulausir peningar" eða dauðir peningar eins og hann orðaði það og yrði að leysa úr læðingi til að skapa meiri peninga...

...við verðum að prenta meiri seðla og lána út svo við getum grætt meiri vexti...

Ég hef heyrt að hann sé eitthvað menntaður í einhverju, enn það geta ekki verið fjármálamenntun..

Það var þetta kvótakerfi sem blés út stærstu blöðru sem hefur sprungið framan í þessa þjóð. Og aldrei er lært neitt af reynslunni...Takk fyrir frábæran pistil!

[Jóhann Elíasson, 9.12.2008 kl. 08:46]

Óskar, Hannes Hólmsteinn á víst að vera menntaður "stjórnmálafræðingur", alla vega er hann prófessor í  stjórnmálafræði við HÍ.  Ég á bara erfitt með að skilja það, kannski er ég  bara "tregur", hvers vegna í ósköpunum einhver tekur mark á manni sem hefur verið dæmdur fyrir ritstuld og ofan á allt er þessi maður PRÓFESSOR í æðstu menntastofnun landsins.  Eitt af grunnnámskeiðunum í háskólanámi felst í því að nota heimildir rétt og vitna rétt í þær, maður sem ekki getur þetta skammlaust getur ekki hafa úskrifast úr háskóla?

[Óskar Arnórsson, 9.12.2008 kl. 16:19]

Það eru farnar ýmsar krókaleiðir til að ná sér í titla hjá HÍ, Jóhann! Ég held ekki að þú sért tregur. Enn samtalið við þennan prófessor var alveg út úr kortinu.

Hann talaði eins og hagfræðingur eða verkfræðingur. Hann vissi þetta allt saman. Enn margendurtók það að fólk hlustaði ekki...ég spurði bara sjálfan mig, "á hvað?"

Ég þekki persónulega mann með full réttindi sem lögfræðingur. Enn hann hefur ekki getað komist í gegn um skriflega ökuprófið! Árum saman hefur hann reynt!

Ég þekki ekki reglurnar í  Háskólanum. Kanski það sé allt í lagi að vera með dóm á sér og vera Prófessor samtímis. Mér finnst það eitthvað svo íslenskt..