Undarlega að orði komist

Það er undarlega að orði komist að hvetja til aukningar á hagvexti í heiminum, þegar öllum, í hans stöðu, á að vera ljóst að búið var að þenja umsetningu og veltu heimsviðskiptanna út fyrir þanþol verðmætasköpunar.

Eðlilegra hefði verið af manni í þessari stöðu, að hvetja ríkisstjórnir til að stýra sem best nauðsynlegum samdrætti útgjalda viðskiptalífsins, þannig að nauðsynleg minnkun á veltu kæmi sem minnst niður á nauðsynlegri þjónustu, framfærslu-, mennta- og heilbrigðismála.

Ef inntakið í máli hans hefði verið slíkt, hefði ég tekið undir með honum og talið hann skilja vandann. Þessi ummæli bera augljóslega með sér alvarlegan skilningsskort á ástæðum þess að fjármálakerfi heimsins hrundi.                   

Athugasemdir

[Jóhann Elíasson, 21.12.2008 kl. 16:58]

Ég held að menn þurfi að hafa það á hreinu " hvað hagvöxtur er og felur í sér".  Að mínum dómi er til tvenns konar hagvöxtur; "óheilbrigður" hagvöxtur, sem hvetur til meiri einkaneyslu og aukinna ríkisumsvifa án þess að tekjur komi á móti og leiðir þar af leiðandi til meiri skulda, hinsvegar er "jákvæður" hagvöxtur, sem byggir á arðsemi framkvæmda, bæði hjá opinberum aðilum og einkaaðilum, SPARNAÐI Í OPINBERUM REKSTRI, sem svo skilar sér í aukningu til opinberrar þjónustu (ss. heilbrigðismála, menntamála og félagsþjónustu).  Ekkert af áðurtöldu leiðir til aukinnar lántöku og því er þetta "jákvæður" hagvöxtur.

[Sigurður Þórðarson, 21.12.2008 kl. 17:05]

Hann er að biðja um aukna verðbólgu

[Jóhann Elíasson, 21.12.2008 kl. 17:38]

Ef verið er að kalla eftir auknum "óheilbrigðum" hagvexti, því ég hef ekki getað séð að stjórnvöld hér á landi þekki annars konar hagvöxt, er það bara ákall um aukna verðbólgu og meiri misskiptingu, sem ég held að sé nóg fyrir.