Fullkomlega óeðlilegt og ógild reglugerð

Einar minn blessaður, virðist ekki hafa áttað sig á að hann er ekki þingkjörinn ráðherra núna og hefur því engar heimildir til útgáfu svoa reglugerða, nema með meirihlutasamþykki Alþingis.

Það er afar leitt að sjá menn opinbera heimsku sína og virðingarleysi fyrir grundvallarreglum siðaðs samfélags, eins og þessi framkvæmd sjávarútvegsráðherra ber með sér.

Ég trúi því varla að forsetinn gefi þessa reglugerð út, með áritun sinni, en eins og segir í stjórnarskrá, njóta svona gjörningar ekki gildis fyrr en forsetinn hefur áritað reglugerðina með ráðherra.                  

Hvalveiðar leyfðar til 2013

Athugasemdir

[Fannar frá Rifi, 27.1.2009 kl. 18:30]

Ráðherra er ráðherra á meðan ekki er kominn nýr ráðherra. þannig að þetta er fullkomlega löglegt. auk þess er ekki hægt að banna heila atvinnugrein, slíkt er gegn stjórnarskrá.

[Ég (IP-tala skráð) 27.1.2009 kl. 18:39]

Ég er mjög sammála þessu hjá þér. Hins vegar þarf ekki áritun forseta á reglugerðir. Þær eru aðeins framkvæmd og nánari útlistun á lögum  sem þegar eru til staðar og veita honum heimild til setningu reglugerða.  Alþingi er því löngu búið að veita ráðherra heimild til að taka vissar ákvarðanir.

Ég þekki samt ekki lögin sem reglugerðin er byggð á og veit því ekki hvort hún hefur lagastoð.

[Guðbjörn Jónsson, 27.1.2009 kl. 18:45]

Ráðherrann situr í starfsstjórn en er ekki á ábyrgð Alþingis.  Hann er á ábyrgð forseta. Heimildir hans lúta eingöngu að daglegum rekstri en ekki neinna pólitískra framkvæmda.  Reglugerð ráðherra starfsstjórnar, sem ekki er með undirritun forseta, hefur nákvæmlega EKKERT gildi.

[Villi Asgeirsson, 27.1.2009 kl. 21:06]

Manngarmurinn hlýtur að skilja að maður gerir ekki svna, fimm mínútum áður en maður yfirgefur stólinn. Vona að hann komist aldrei í stjórn aftur.

[Haraldur Pálsson, 27.1.2009 kl. 23:20]

Vonandi að þessi reglugerð standi svo við sköpum fleiri störf, öflum gjaldeyris og grisjum stærsta arðræningja fisksins.

Ef þetta verður dregið til baka þá eru þeir strax farnir að gera tóma steypu í þessari nýju ríkisstjórn. Sanna fáfræði sitt að þeir vita ekki hvernig gangur lífsins er.