Ótrúlega kjánaleg ummæli æðstu manna

Það er alveg ótrúlegt að ráðherrar í ríkisstjórn landsins skuli ekki hafa meira skilning á samningatækni en fram kemur bæði hjá Árna Páli og Steingrími, varðandi Icesave málefnin.

Það, að láta frá sér slík ummæli, að okkur sé mikil nauðsyn að ljúka samningum um Icesave, ber þau skilaboð til gagnaðila okkar að gefa ekkert eftir í viðræðunum, því íslensk stjórnvöld séu að springa af tímaskorti og samþykki fljótlega það sem gagnaðilinn vill fá.

Þessi viðhorf eru löngu þekkt í samningatækni og stöðug tjáning ráðamanna í fjölmiðlum um nauðsyn okkar að ljúka samningum, er líklega helsta ástæða þess að Bretar og Hollendingar hafa ekki séð neina ástæðu til að gefa neitt af ráði eftir.  Á venjulegu götumáli kallast svona framkoma ráðamanna, heimska og fullkominn skortur á samningatækni. Að láta gagnaðilann stöðugt vita að óþol sé vaxandi hjá stjórnvöldum okkar, eyðileggur algjörlega samningsstöðu okkar.

Hefur þetta fólk okkar enga ráðgjafa sem hafa vit á samningatækni?

Eða... eru aðrar ástæður fyrir því að þau keppast við að eyðileggja samningsstöðu þjóðarinnar í Icesave málinu?                       

Nauðsynlegt að ljúka Icesave

Athugasemdir

[Sammála (IP-tala skráð) 6.9.2010 kl. 14:09]

Alveg rétt hjá thér.  Svo er spurning hvort ad um nokkud thurfi ad semja.  Ad mínu áliti og reyndar theirra sem vit hafa á thessum málum og sem hafa komid fram í sjónvarpsthaettinum S E ber thjódin enga ábyrgd á skuldbindingum bankanna.

Innlendir stjórnmálamenn hafa dregid thjódina nidur í svadid:  Their komu kvótakerfinu á og nú vilja their ad thjódin borgi skuldbindingar einkabanka (ádur sameiginlegir bankar thjódarinnar sem their afhentu "kjölfjárfestum") sem voru reknir af glaepamönnum.

Spillingin er alger og klúdrid líka.   Og hvad aetla landsmenn ad gera í stödunni...jú their aetla flestir ad kjósa Sjálfstaedisflokkinn....flokkinn sem MESTA SÖK á á thví hvernig komid er.   GLAESILEGT!

[Ómar Gíslason, 7.9.2010 kl. 10:43]

Er alveg sammála þér skilningur þeirra á samningatækni er enginn. Þeir eru látlaust að gefa hinum skilaboð og maður fer að spyrja sig hvar búa þessir menn? Þetta er það mál sem skiptir þjóðina hvað mestu máli því þarf að vanda vel til verks og koma vil undirbúinn. Það kom út ágætis bók (kringum 1980 að ég held) sem heitir "Listin að semja án þess að gefa eftir".