Eru menn jafnir fyrir lögunum?????????????

Er það ekki merkilegt á að horfa, að saksóknari og ríkisvaldið skuli leggja hundruði milljóna í að leita að sakarefnum og hundelta í dómskerfinu, mann sem í áraraðir hefur lagt sig í líma við að bjóða þjóðinni lægsta vöruverð sem fæst í landinu. En á sama tíma skuli þessir sömu aðilar, saksóknari og ríkisvaldið ganga fram fyrir skjöldu og verja þá aðila sem leggja sig í líma við að rífa niður og eyðileggja atvinnulíf og lífskjör í sjávarbyggðum í kringum landið, og svæla lífsbjörgina frá þessum svæðum með peningagjöfum til þeirra sem fengið hafa ókeypis úthlutað aflaheimildum til atvinnusköpunar í þessum byggðarlögum.

Þetta allt er til verulegrar smánar fyrir alla þá aðila sem í áraraðir hafa stungið höfðinu í sandinn og látið arðræna þjóðina um tugi, ef ekki hundruði milljarða, en á sama tíma beitt öllu afli saksóknar og réttarkerfis til að knésetja þá einstaklinga sem skapað hafa þá lífskjarabót sem þjóðin hefur upplifað í lægra vöruverði undanfarin ár. Kaupmáttaraukningin er ekki ríkisstjórninni að þakka. Hún er því að þakka að Bónus hefur haldið niðri vöruverði í landinu og með því bætt lífskjör almennings.

Ég mun fjalla meira um þetta síðar, þegar ég hef tínt betur saman óforskömmugheitin sem annars vegar hefur verið beitt gegn Baugs-fjölskyldunni og hins vegar gegn fólkinu í sjávarbyggðum landsins.

Sameiginlega eru þetta áreiðanlega ljótustu hryðjuverk Íslandssögunnar.        

Athugasemdir

[Óskar Arnórsson, 7.6.2008 kl. 01:03]

Það verður fróðlegt að sjá pistla um þetta merkilega mál hjá þér. Takk fyrir góðan pistil. Gæti þetta virkilega gerst í nokkru öðru landi enn hér? Kannski Burma, Norður Kóreu..Súdan..

[Guðbjörn Jónsson, 7.6.2008 kl. 14:41]

Sæll Óskar.  Ég mundi orða þetta þannig að svona gerist varla og teljist alls ekki eðlilegt í siðuðu lýðræðissamfélagi en stjórnmálamenn okkar stefni greinilega að nýjum viðmiðum, við þau lönd sem þú nefnir.

Með kveðju. G.J. 

[Óskar Arnórsson, 7.6.2008 kl. 15:13]

ég ætti nú að sýna þér eitt stórmerkilegt mál Guðbjörn! Er með það í rafrænu formi og á diskum. Eitt svona mál sem alveg með ólíkindum..ertu með eitthvað mail?

[Guðbjörn Jónsson, 7.6.2008 kl. 16:44]

 Já ég er með "[e-mail]"