Er þetta ekki hinn dæmigerði stjórnmálamaður nútímans???

Það þarf ákveðið virðingarleysi fyrir eigin sjálfsmynd, sem og gagnvart fólkinu í landinu, til að koma fram eins og Guðni gerir. Hann er búinn að sitja á þingi og í ríkisstjórn í áraraðir og þegjandi horfa á að þjóðinni sé steypt í þær ógöngur sem hún er nú komin í.

Þær tillögur sem hann hefur lagt fram, lúta að því að þjóðnýta tapið og óráðsíuna sem bankarnir hafa viðhaft síðustu árin, með því að Seðlabankinn taki erlent stórlán til að fjármagna töpuð útlán, vegna gengisfallinna verðbréfa; lán sem skattgreiðendur munu síðar þurfa að borga.

Ætli þetta flokkist ekki undir að tala mikilúðlegur og með spekingssvip um  málefni sem engin þekking er að baki. Er ekki hugsanlegt að álíka þekkingarleysi sé að baki núverandi málflutningi hans?

En, af hverju skyldu Þingeyingar einblína svona á álver, þegar fyrirsjáanlegt er að olíuleit er að hefjast á Drekasvæðinu. Slík starfsemi þarf áreiðanlega mikla þjónustu frá landi; hvað þá ef olía eða gas finnst þarna í vinnanlegu mæli. Þau umsvif yrðu tvímælalaust meiri framtíðarmúsik fyrir atvinnulíf á svæðinu, því álið verður á undanhaldi eftir örfá ár, vegna nýrra léttmálma sem eru í uppsiglingu.

Fyrir fáum áratugum sátum við uppi með stórfjárfestingar í síldabræðslum, nokkuru síðar með ónýtar fjárfestingar í loðdýrabúum, þá tóku við tugir milljarða í fiskeldisævintýrinu, framundan er margra milljarða afskriftir vegna offjárfestingar í fiskiskipum sem ekki geta borið sig af eigin tekjum og í nálægri framtíð verðum við með miklar fjárfestingar í ónothæfum álverum, vegna verðhruns og minnkandi notkunar á áli.

Hafa stjórnmálamenn okkar ekki verið einstaklega glöggir á uppbyggingu gjaldeyrisskapandi starfsemi þjóðarinnar???????

Sagt er að sporin hræði.  Hvaða spor hafa stjórnmálamenn okkar skilið eftir sig? Pólitískt óðagot hefur aldrei skilað þjóðinni hagnaði.             

Kreppa af völdum ráðherra

Athugasemdir

[Friðrik Bj. Haraldsson (IP-tala skráð) 28.8.2008 kl. 12:49]

Já, ef olía finnst á Drekasvæðinu, þá er ég vissu um að umhverfis-talíbanarnir mun rísa gegn því að olía yrði unnin þar og krefjast umhverfismats á olíuvinnslunni og þjónustmannvirkjum í landinu er tengjast ættu olíuvinnslunni.

Þetta væri líkt umhverfis-talíbönum, á móti öllu sem framkvæmt er úti á landi, þeir mynda líklega koma með þau rök að þetta væru einstök ósnortin svæði þarna undir landgrunninu og betra væra að láta olíuna þar ósnortna því vernargildið væri svo mikilvægt.

[Guðbjörn Jónsson, 28.8.2008 kl. 13:22]

Þakka þér frábærlega uppbyggilegt innlegg Friðrik. Þetta bætir athyglisverðum rökum við umræðuna.

[Óskar Helgi Helgason (IP-tala skráð) 29.8.2008 kl. 02:22]

Heill og sæll; Guðbjörn, og aðrir skrifarar !

Hygg; að erfitt reynist, að komast nærri nokkrum kjarna máls, sem þú gerir hér, á einstaklega raunsæjan, en jafnframt myndrænan hátt, Guðbjörn.

Hafir þú; beztu þakkir, sem endranær, fyrir árveknina, sem skrumlausa framsetningu, á hverju máli. Og með beztu kveðjum, sem fyrr.

Óskar Helgi Helgason