Snyrtilegur biðleikur

Þetta er afar snyrtilegur biðleikur. Það hefði verið óheppilegt að setja þann aðila í stöðuna núna, sem fyrir nokkru var trúlega búið að planta í þessa stöðu. Það hefði orðið of augljóst af hverju pressa var sett á að losna við Jóhann. 

Kannski er fólk búið að gleyma umdeilanlegum aðferðum við prestráðningu þarna fyrir fáum árum.  Svo vildi til að presturinn sem ráðinn var, á konu sem var sýslumaður á Ísafirði. Eitt þeirra vandkvæða sem þurfti að leysa, vegna ráðningar prestsins, voru þau að ekkert embætti var laust, á suðurnesjum, fyrir konu prestsins. Því varð að setja hana í einskonar geymslu sem vararíkislögreglustjóra.

Jóhann var í embætti sem hentaði konunni, auk þess sem hann (Jóhann) var ekki í réttum pólitískum lit. Leikrit var því samið í skyndi og sett í gang atburðarás sem leiða mundi til þess að Jóhann segði af sér starfi. Við það skapaðist pláss fyrir konu prestsins, auk þess sem embættið yrði í réttum lit.

Mjög snjöll atburðarás. Lokaþáttur verksins verður trúlega opinberaður í desember.      

 

Settur lögreglustjóri á Suðurnesjum

Athugasemdir

[Ólafur Björn Ólafsson, 30.9.2008 kl. 19:17]

Það verður að viðurkennast að mér datt í hug strax og heirðist hver yrði settur lögreglustjóri hvað væri í gangi.

Það er nefnilega þannig að í umræðunni er að fækka lögregluembættum en frekar og ekki má einn af vinum ríkislögreglustjóra verða atvinnulaus.

Prestfrúin mun líklega verða ráðin sem lögreglustjóri á Suðurnesjum og Ólafur K Ólafsson settur lögreglustjóri á Suðurnesjum verður vara ríkislögreglustjóri. Embættið á Snæfellsnesi verður svo sett undir Borgarnes ásamt Akranesi.

Búast má því við fækkun lögreglustjóra á næstunni og einkaklúbbur Halla Jó verður eftir sem já mennirnir.

Nánar síðar...

kveðja Kaldi

[Guðbjörn Jónsson, 30.9.2008 kl. 22:28]

Þakka þér Ólafur.  Það er auðsjáanlega ansi líkt útsýnið hjá okkur yfir þetta mál. Við fylgjumst með framvindunni.