Það eru einmitt svona skrif sem gera menn ótrúverðuga

Með hliðsjón af því sem Jón Sigurðsson skrifar í þessum pistli sínum, má þjóðin greinilega þakka fyrir hve stuttan tíma hann gengdi starfi Seðlabankastjóra. Annað hvort beitir hann í skrifum þessum vísvitandi ósannindum, eða að vit hans á fjármálum þjóðar er ekki boðlegt því starfi sem hann tók að sér, er hann gerðist Seðlabankastjóri.

Jón er greinilega reiður. Líklegasta skýringin á því er að með breytingum á lögum um Seðlabankann var kippt undan valdsþætti Framsóknarflokksins, að velja "sinn" fulltrúa, sem einn af þremur bankastjórum bankans. Þetta er náttúrlega gífurleg skerðing á valdsstjórnun í peningaumhverfi þjóðarinnar, sem gæti haft alvarlegar afleiðingar fyrir ákveðinn hóp "vildarvina".

Það er einmitt svona óheiðarleiki í skrifum og vinnubrögðum sem þjóðin þarf að losa sig frá, til að eðlileg og heiðarleg uppbygging geti hafist, og traust skapist að nýju, til þeirra einstaklinga sem gegna munu mikilvægustu störfum við stjórnun þjóðfélagsins.

Þarna talaði greinilega gamli Framsóknarflokkurinn. Nú er vert að taka eftir viðbrögðum hinnar nýkjörnu forystu þess flokks, hvort hún tekur undir óheiðarleika og ósannindi fyrrverandi formanns flokksins, eða hvort nýja forystan vísar svona vinnubrögðum alfarið á bug.              

„Hvað er faglegt við þetta?"

Athugasemdir

[corvus corax, 4.3.2009 kl. 12:58]

Skrif Jóns Sigurðssonar minna mig á þá staðreynd sem amma Davíðs kenndi mér á sínum tíma, að úr rotþró kemur alltaf skítur.

[Sigurbjörg Jónsdóttir (IP-tala skráð) 4.3.2009 kl. 14:14]

Samfylkingin er spilltasti flokkur landsins með ÓRG í farabroddi fylkingar.

[Ína (IP-tala skráð) 4.3.2009 kl. 15:19]

Ég held að almennt hafi fólk andað léttar eftir að ljóst var að útlendingur tók við seðlabankastöðunni. Þá getur maður verið viss um að hann er ekki flæktur í einhverja hópa og klíkur. Aumingja Jón, alveg búinn á því.....

[gummih, 6.3.2009 kl. 12:51]

Tvær auðveldar spurningar.

1. Hvaða ósannindi ertu að tala um?

2. Hver af Seðlabankastjórunum þremur sem nú eru farnir var fulltrúi framsóknar?