Hvaðan eiga aurarnir að koma ???

Það er afskaplega fallega hugsað hjá VG að vilja styrkja Seðlabankann en afar nauðsynlegt að gera grein fyrir hvaðan sá styrkur eigi að koma. Það er t. d. talað um að auka gjaldeyrisvaraforðann um allt að 80 milljarða. Hvaðan eiga þessir 80 milljarðar að koma? Það er hvergi nefnt.

Annað er að VG vill styrkja eigið fé Seðlabankans, til viðbótar, um allt að 40 milljarða króna með innlendu skuldafjárútboði.  Ég veit ekki hvar höfundar þessara hugmynda hafa lært reiknishald en ég hef aldrei heyrt um að hægt sé að auka eigið fé sitt með því að stofna til skulda.  Það er hins vegar hægt að auka lausafé sitt með þeim hætti, en ekki eignafé eða eigið fé eins og það heitit á bókhaldsmáli.

Það er gott að vilja vel, en afar mikilvægt að vekja ekki væntingar sem ekki virðast byggðar á traustari undirstöðum en þarna kemur fram.           

VG vilja styrkja Seðlabankann

Athugasemdir

[Magnús Jónsson, 7.3.2008 kl. 20:35]

Eigum við ekki barasta að vera þakklátir fyrir að menn með slíka hagfræðikunnáttu, séu utan ríkisstjórnar og í frekar litlum flokki . 

[Óskar Arnórsson, 7.3.2008 kl. 21:36]

Eigum við ekki bara að bæta við íslenska orðaforðan okkar.."íslenskir vaxtaflóttamenn" sem geta leitað hælis á meginlandinu þar sem fólk hugsar eins og fólk eða manneskjur..

[Hallgrímur Guðmundsson, 8.3.2008 kl. 00:16]

Ég er sammála Magnúsi, við erum heppin að karlinn stjórni þessu ekki.

[Óskar Arnórsson, 8.3.2008 kl. 00:31]

Bara til að koma með eina hugmynd sem er á svipuðu stigi og "lausnir" stjórnvalda:

"Skellum við ekki bara vírum utanum Vatnajökul og seljum hann til landa sem búa við vatnsskort?" "Drögum hann bara þangað með öllum fiskiflotanum sem hvort eð er, fær ekki að veiða fisk!"

Er ég ekki bara efni í stjórnmálamann komandi með svona visku?..

[Jóhann Elíasson, 8.3.2008 kl. 17:39]

Það væri nú lítið vit í því að styrkja Seðlabankann, hvað svo?  Ég get ekki betur séð  en að efnahagsvandi okkar sé tilkominn vegna arfaslakrar efnahagsstjórnar og stjórnleysis þar sem Seðlabankinn gerir eitt og stjórnvöld annað og viðskiptabankarnir það þriðja og svo vilja menn STYRKJA Seðlabankann, til hvers?  Eins og Guðbjörn segir hvaðan eiga peningarnir að koma?