Eftir hverju bíður Alþingi??????

Væntanlega vitum við flest að þeir einu sem geta stöðvað ofbeldi gegn lögreglu er löggjafarvaldið; Alþingi sjálft. Á meðan alþingismönnum þykir það sæmandi að komið sé fram við einn af máttarstólpum lýðræðisins (lögregluna), með þeim hætt sem fréttir berast ítrekað af, virðist ljóst að mannvirðing þeirra og mannkærleikur er frekar aftarlega í forgangsröðinni. Kanski fyrir aftan peningalega hagsmuni.

Það eru alþingismenn einir sem hafa þau áhrifaöfl í höndum sem breytt geta því ófremdarástandi sem hér hefur verið; og stöðugt versnar. Stærstur hluti þjóðarinnar hefur undanfarin ár hrópað á hjálp þeirra, til að stöðva vaxandi villimennsku í höfuðborg landsins. Enn er ekki farið að bera á því að þeir heyri til þjóðarinnar, eða vilji leggja lóð sitt á vogarskál mannvirðingar og mannkærleika í samfélaginu.

Maður hlýtur að spyrja sig hvað dvelji, þegar Alþíngi hefur margsinnis afgreitt umfangsmeiri verkefni á fáeinum dögum, t. d. þegar hagsmunir kvótagreifanna eiga í hlut; eða þegar þeir afgreiða launa- eða lífeyrisbætur fyrir sjálfa sig. Er hugsanlegt að þeir vakni ekki fyrr en ofbeldismennirinir hafa DREPIÐ einhvern, eins og þeir virðast stöðugt hóta.

ER ALÞINGI AÐ BÍÐA EFTIR MORÐI ???????????                   

„Ég skal drepa konuna þína!“

Athugasemdir

[Jón Steinar Ragnarsson, 14.9.2008 kl. 18:55]

Held að fólk ætti nú aðeins að slaka á. Þessi hystería jafnast á við lúkasarmálið. Það er engin vitfirring nýflutt til íslands. Þetta er eins og það hefur alltaf verið og fyllibyttur segja ýmislegt, sem aldrei er mark á takandi. Þessi frétt hefur svo himinhrópandi áróðursfnyk af sér að það finnst langar leiðir. Lögreglan er ekkert fórnarlamb og það er algert kjaftæði að það komi ekki í fjölmiðlum þegar þeir fá pústra.

Hér er verið að undirbúa jarðveginn fyrir að fá rafbyssur og skotheld vesti eins og þeir hafa verið að reka áróður fyrir, þótt ekkert tilefni hafi gefist til slíkra verkfæra í almennum lögreglustörfum. Akkúrat ekki neitt. Nú á að ná þessu með meðaumkunar og fórnarlambataktík, fyrstu orð lögreglumannsins opinbera það. Þetta er jólagjafalistinn þeirra.

Svo þjóta blogghænsnin upp og éta allt upp eftir fjölmiðlum eins og heilagan sannleik og gagga og klúkka án þess að þurfa nokkurntíma að bera ábyrgð á fjasinu í sér. Rafbyssur drepa hundruði manna á ári og er beitt ólöglega í 75% tilfella, þ.a. á óvopnað fólk eða fólk í járnum. Ef það er framtíðarríkið sem þú og álíka óska sér þá verði ykkur að góðu.

Það sem er verið að reyna hérna er að innleiða vitfirringu, sem þekkist einna best í lögregluríkinu USA. Þar sækja þeir menntun sína þessir hasarlögreglumenn, sem gleyma því að þeir búa í 300.000 manna eysamfélagi. Ef frá er dregin friðsæl landsbyggðin, börn og farlama, þá er við um 60.000 manns að eiga, sem eru 99% löghlýðið fólk.

 Við höfum víkingasveit, sem er vopnuð upp að tönnum, sem tekur að sér áhættuverkefni. Hvert útkall þar reiknast á 8 milljónir. Nú á að færa alla lögreglusveitina í þann búning og láta hana likjast hermönnum í stað laganna þjóna. Þjón okkar. Hér er ekki tilefni til einhverrar skelfingarbælingar, þar sem fólk má ekki einusinni safnast til mótmæla gegn ríkisvaldinu án þess að hætta lífi og limum. Til þess hafa þeir fengið umboð í nýsettum lögum. Menn þurfa ekki að hafa gert neitt en grunur um hugsanlega hugsanleg skemmdarver, er nóg til að handtaka það fólk án sektar.

[Guðbjörn Jónsson, 14.9.2008 kl. 22:28]

Sæll Jón Steinar:  Í ýmsum ritum um sálfræði er hægt að lesa um greiningu á ímyndurnarveiki. Að mörgu leiti á þetta  innslag þitt hljómgrunn í því. Í pistli mínum nefni ég hvergi ósk um að auka vígbúnað lögreglunnar. Ósk mín beinist að því að leitað verði leiða til að MINNKA OFBELDI GEGN LÖGREGLUNNI.

Ég vona og bið þess að þú fáir hjálp til að losna úr þeim fjötrum andstöðu við eðlilegt líf, sem greinilega birtast í þessum skrifum þínum. Hver ástæða er fyrir svo skertu raunveruleikaskyni á samfélag okkar (þó einkanlega höfuðborgarsvæðið), sem birtist í þessum skrifum þínum, ætla ég ekki að setja neina ímyndun af stað. Fólk getur sjálft lesið það úr þessum skrifum.

Strúturinn sá að engin ógn steðjaði að honum þegar hann tók höfuðið úr sandinum. Líkt yrði komið fyrir þér ef þú fengir hjálp til að losna frá þessari ímyndarveröld þinni.

Líði þér vel.  G. J.