Dæmigert fyrir rökhyggju Íslendinga

Ég er löngu hættur að verða hissa á vitleysunum sem kemur út úr ýmsum skoðanakönnunum hér. Einkanlega þegar spurt er spurninga sem sárafáir Íslendingar hafa kynnt sér til hlýtar, líkt og spurt var í þessaari könnun.

Ég er næsta viss um að það eru ekki 10% Íslendinga sem vita hvaða áhrif það hefur á þjóðfélagið að taka upp gjaldmiðil sem þjóðin ræður engu um gengisskráningu á.

Við höfum, því miður, of fáa stjórnendur í atvinnu- eða viðskiptalífi okkar, sem færir eru um að stjórna atvinnustarfsemi og viðskiptum innan stöðugs gjaldmiðils.

Stöðugur gjaldmiðill mundi skapa 40 - 50% samdrátt í verslunar- og þjónustustarfsemi, vegna lítilla tekna af sölu til erlendra aðila af framleiðsluvörum og þjónustu.

Er fólk tilbúið að stökkva í sviphendingu inn í slíkan samdrátt og um leið hendu út flestum stjórnendum atvinnulífs okkar, þar á meðal flestum stjórnendum fjármálageirans?

Ég tel, líkt og yfirleitt gerist í svona könnunum, að svörin byggist á innihaldslausri óskhyggju barnsins, sem enginn krefur um rökhyggju.

Fólk fer kannski að hafa tíma til að hugsa og hlusta á innri skynsemisröddina, sem ekki heyrist fyrr en streitan minnkar VERULEGA MIKIÐ.              

Meirihluti vill evru hér á landi

Athugasemdir

[Davíð Elvar (IP-tala skráð) 16.9.2008 kl. 00:01]

Algjörlega sammála þessu bloggi hjá þér, þakka gott blogg.

[Gunnar Rögnvaldsson, 16.9.2008 kl. 01:06]

Þakka góðan pistil Guðbjörn. Já þetta er hárrétt. Með einni ákvörðun erlendis frá er hægt að skapa 40 - 50% samdrátt í verslunar- og þjónustustarfsemi. Svona markað hef ég prófað og það var ekki gaman að reka smásöluviðskipti undir svona afakostum erlendra seðlabanka sem voru einungis að taka tilliti til efnahagsástands í stærstu hagkerfum myntbandalagsins. Að vera lús undir stígvélum annarra er mun verra en að vera lús undir eigin fæti.

Kveðjur

[Guðbjörn Jónsson, 16.9.2008 kl. 22:42]

Davíð!  Þakka þér fyrir innlitið og kommentið.

Gunnar!  Þakka þér kærlega fyrir innlitið og umsögn þína. Þettaq með lúsina er afar góð samlíking.  Ég hef lesið marga af psitlunum þínum með sannri ánægju og fundist þeir vel upp byggðir og rökstuddir. 

Bestu kveðjur,  G. J.

 Karl!  Þakka þér innlitið og þínar hugrenningar. Vitanlega ættu stjórnmálamenn að vita þetta, en stjórnmálamenn okkar hafa kosið að lifa í aflokuðum heimi jábræðra og þekkja kannsi þess vegna og lítið til raunveruleikans sem þjóðin er að fást við.

Að sjálfsögðu ætti að gera kröfu til þess að stjórnmaálmenn hafi viðunandi þekkingu á starfi sínu, sem er að skapa leikreglur fyrir þjóðfélagið, en hér á landi eru engar kröfur gerðar um þekkingu eða færni þeirra sem stillt er upp til stjórnunar þjóðfélaginu. Árangurinn er líka eftir því.