Lítur út fyrir að skjalafalsið standi eftir sem áður.

Þrátt fyrir þá frétt sem þarna er vísað til, virðist eitt vera ljóst. Glitnir hafi stofnað félag í útlöndum undir nafgninu "Haf Funding". Þangað hafi verið flutt skuldabréfasafn íslenskra fyrirtækja, m. a. skuldabréf sjávarútvegsfyrirtækja, þar sem bankinn hafi tekið veð í skipum langt upp fyrir raunvirði þeirra. Skýringin á þessu er sú að bankamenn hafa talið fiskveiðiheimildir þessara útgerðarfélaga vera EIGN þeirra, án þess að útgerðirnar hafi geta lagt fram nokkra eignapappíra, eða aðrar heimildir til veðsetningar veiðiréttarins, sem verðlagður er á 0 krónur frá hinum raunverulega eiganda.

Af fréttinni má lesa, að Glitnir hafi farið í slóð hinna Bandarísku svikamaskínu, sem gaf út skuldabréfavafninga með upplognum veðgildum sem aldrei yrðu innheimtufær. Með þessu fór bankinn út í afar alvarlega svikastarfsemi, sem engin leið er að sjá fyrir hvort skapa muni þjóðfélaginu meiri skell en þegar er orðinn.

Því miður tel ég mig vita að þetta er ekki eina tilvikið þar sem erlendum bönkum er talin trú um að aflaheimildir íslenskra fiskiskipa sé gilt veðandlag. Þetta gæti því allt eins verið upphafið að uppljóstrun á eldri svikamyllu en útrásarvíkingarnir spunnu; svikamyllu sem áreiðanlega verður þjóðinni ekki síður erfið viðureignar.

Það er ótrúlegur aumingjaskapur í stjórnmálamönnum okkar og þeirra leiðtogum, að þora ekki að opna svikamylluna og hreinsa almennilega út.

Það er líka undarlegt að Samfylkingin skuli enn sleppa með að svara spurningum um það, hvers vegna erlendar skuldir þjóðfélagsins nánast tvöfölduðust á þeim fáu mánuðum sem þeir voru í stjórn. Gáðu þeir ekkert að stöðu þjóðfélagsins í sigurgleðinni yfir því að vera LOKSINS komnir í hina eftirsóttu STÓLA og mega nú RÁÐA yfir þjóðinni?                         

Veðin færð með samþykki fyrirtækjanna

Athugasemdir

[Júlíus Björnsson, 8.1.2009 kl. 03:53]

Guðbjörn ég þakka þér góð ráð. En ég kann nú betur við Klassísku og íhaldssömu bankastarfsemina. Alþjóðleg bankastarsemi af þjóðaröryggishagsmun hinna stærri þjóða mun vera eitt af áhugamálum leyniþjónusta þeirra. Grafa undan efnahaga Þjóðar með óhefðbundinni eða ólöglegri fjármálastarfsemi sömu þjóðar verður að teljast til hryðjuverka og ekki er ráð nema í tíma sé tekið, sér í lagi ef rökstutt [sannað]  er að forvarsvarsmenn viðkomandi meintar  hryðjuverkastofnunnar hafi verið bendlaðir við slíkt. Mér skilst að raunvextir innlánsvaxta á reikningum almennra sparireikninga erlendis séu það sem skiptir öllu máli fyrir fjármálstöðugleika viðkomandi ríkis. Því aðrir vextir svo sem útlánsvextir taka  taka mið af þeim. Hærri raun innlánsvöxtum fylgja því meiri áhætta, sökum kröfunnar um hærri útlánsvexti.   Hærri útláns vextir eru síðan er oftast ávísun á leiðréttingu eða verðbólgu. Verðbólga má nú helst ekki fara yfir 4% í ESB til dæmis. Samkvæmt Bjarna Ármanns áttu bankarnir að fara að draga saman þá um haustið.  Enn sex mánuðum síðar voru ný-Bankastjórarnir á full að hækka innlánsvexti út í hinum gamalgróna bankaheimi og með mikilli velþóknun Íslenskra yfirvalda. Ég skil ekki að Bretar hafi ekki verið í fullum rétti að kæfa eldinn í fæðingu.  Mér var sagt það ungum af gömlum bankastarfsmönnum að Banki viðkennir aldrei mistök opinberlega þá myndi hann ekki eiga viðreisnarvon. Það mjög erfitt að stoppa græðgihákarla sem láta sér ekki segjast.